Монгол -Францын соёлын хамтын ажиллагааны хүрээнд Монголын фотосэтгүүлч Т.Өсөхбаатар, Францын "Editing" агентлагийн гэрэл зурагчин, нэрт нийтлэлч Патрик Бард нарын хамтарсан "Regards Croisés" нэртэй үзэсгэлэн 2003 онд анхлан Парис, Леон, Тулуз зэрэг хотууд болон Аубрак, Ларзак, Лозере зэрэг газруудаар 3 сарын турш дэлгэгдэн олны хүртээл болсон билээ.

Цам буюу тойрог бүжиг нь соёл урлагийн нандин өв мөнөөс гадна зовлон зүдгүүр, муу муухай бүхний үндсийг таслан амирлуулдаг гэж үздэг ажээ...

Сэлэнгэ аймгийн Мандал сумын Тэрэгтийн даваа орчим олон нинжанууд байна...

Улс оронд маань онцгой байдалд тогтсон энэ үе дайны цагийг санагдуулж байна. Нэгээс бусад телевизийн үйл ажиллагааг зогсооно гэдэг ямар том цензур вэ? Дайн бол мөргөлдөөн. Эсэргүүцлийн жагсаал ч мөргөлдөөн. Мөргөлдөөн бол зөрчлийн дээд хэлбэр. Монголд зөрчил ингэж дээд цэгтээ хүрчээ. Ийм зөрчлийг сурвалжлахад манай сэтгүүлчид бэлэн үү?

... Шинэ мянганы эхэнд  юм даг. Тээр жил Ерөнхийлөгчийн сонгуулийн жил байлаа. Энд тэндгүй л сонгуулийн суртчилгааны уриа, самбар өлгөөтэй. Гэтэл нөгөө тоон дотор үсэг цохиж явна гэдэг шиг, эдний дунд шар торгон дээлтэй экс Ерөнхийлөгчийн хөргийн доор "Агтны тоосонд өссөн билээ би" гэж бичсэн нь нүдэнд туслаа.

                 Галшар нутаг цасанд дарагджээ. Эргэн тойрон цав цагаан. Гадаа тасгим хүйтэн. Өдөртөө -20 , шөнөдөө -27  хэмээс үл бууна. 

            Хот айлын гадаа олон морьд багширч хүмүүс хөлхөнө.  Энд тэндгүй л сар шинийн золголт болж билэг дэмбэрэлтэй үгс солилцоно.  Даага далантай, бяруу булчинтай онд мэнд тарган тавтай оров уу, тавлаг сайхан уу гэхчилэн хөврөн урсах мэндчилгээний  үгс нэн яруу сонсголонтой. Цагаан сарын шинэ хуучраагүй  тул  хүн бүр л гоё хувцас , сайн морь,сайхан эмээл хазаараар гангарсан байх юм.  Гоё ганган хөөрөг гаансаар тамхилж хөрөнгө  бэлтэй нэг нь “ нүнжигтэйгээ” харуулах боломжийг ч үл алдана.   Энэ бол хөдөөгийнхний хувьд жилдээ ганц тохиох өвлийн морин уралдааны өмнөх  өдрийн дүр төрх.  Маргааш морьд уралдана.

Эрээн зорчсон тэмдэглэл

        Миний бие хэдэн удаа Өмнөд хөршийг зорихдоо зардлаа хэмнэчих санаатай Эрээнээр дамжин Бээжин орж байсан юм. Хүн юм болсон хойно явах болг ондоо л багагүй ачаа үүрдэг байсан санагдана. Хэдэн цүнхтэй юмаа /үсрээд л 3 байлгүй/ хил гаалиар дамжуулж вагонд оруулах , билет олох гэж алхам тутамдаа сэтгэл санааны дарамт эдлэн арай л сөхөрч уналгүй ирдэг байлаа…

Монгол оронд гэрэл зургийн салбар үүсэн хөгжөөд даруй 70 гаруй жил болсон хэдий ч гэрэл зурагчид бид уран бүтээлээ нийтэд чөлөөтэй танилцуулах нэгдсэн индэргүй явж иржээ. Хэдийгээр олонхи маань аль нэг хэвлэл, мэдээллийн байгууллагын хаяа түшдэг ч гэрэл зургийн сэтгүүлчийн сэтгэл зүрх , зүтгэл хөдөлмөрөө шингээн байж хийсэн бүтээл тухайн хэвлэлийн зай талбай, гэрэл зургийг ойшоож үздэггүй хандлага, хэвлэлийн эрхлэгчийн хувийн үзэмж, хэвлэлийн технологи зэргээс шалтгаалан тэр бүр бүрэн эхээрээ олны хүртээл болж чадахгүй явж ирсэн юм.